Matud ni Fire Insp. Ramil Gillado, BFP 11 Spokesperson, nangatulog ang duha ka mga biktimang Persons with Disabilities (PWDs) ug wala gayod makalingkawas atol sa trahedya.
Sa imbestigasyon, gilantaw nga ang solar battery nga anaa sa sulod sa kwarto ang posibleng sinugdanan sa kalayo.
Ulahing nigawas sa balay ang 11 anyos nila nga igsuon ug nabiyaan ang mag-igsuong lalaki nga nagedad 14 anyos ug 13 anyos nga walay nagbantay sa ilahang balay dihang ang amahan nitabang usab sa haya sa ilahang kabanay.
Namatikdan sa silingan nga si Sergio Camello Juarez, 48 anyos nga nagdilaab na ang panimalay sa mga biktima ug nanawag pa kini’g tabang sa mga silingan apan walay laing mga tawo nga nakaresponde sa insidente.
Tungod ginama ra sa light materials daling naugdaw ang nasangpit nga panimalay ug masalbar ang duha ka mga batan-on.
Segun ni Gillado sa kalayo sa area ulahi na nga nareport sa BFP ang panghitabo ug naugdaw na ang maong balay sa mga biktima pag-abot sa mga fire investigators.
Mokantidad sa P55,000 ang damyos sa nasunog nga balay.
Gikasubo sa BFP 11 ang insidente tungod ang magsuon ang mga unang fatalities sa fire cases sa 2024.
Hugot karong nanawagan si Gillado sa publiko ilabina kung adunay nga bed ridden, PWDs, senior citizens o anaa sa vulnerable sectors nga nagpuyo sa ilahang panimalay nga dili gayod biyaan nga walay kauban aron ma-rescue ug matabangan kining makagawas panahon sa emerhensiya sama sa sunog.
RadyoMaN Aimee Guinita
