Bukidnon – Pormal nang gisugdan kagahapong adlawa ang pagsaulog sa Fire Prevention month pinaagi sa pagpahigayon ug programa ug motorcade sa dakbayan sa Malaybalay.
Sa interview sa RMN Malaybalay ngadto kang Senior Inspector Loyd Villaroya, ang Malaybalay City Fire Marcial sa siyudad gibutyag niini nga nagsugod kagahapon ug mulungtad sa katapusang adlaw sa Marso ang mao nga fire prevention month nga puno ug mga aktibidad aron itudlo ngadto sa publiko ang mga pamaagi aron malikayan ang panghitabong sunog.
Mopahigayon sumala pa ang BFP ug mga symposium ug mga seminars sa nagkadaiyang barangay ug mga tulunghaan sa syudad aron tudluan ang matag usa nga makalikay sa sunog, sama na lamang sa dili pagbaton ug mga illegal ug octopus connections, likayan paggamit ug mga substabdard nga wires, appliances, gadgets ug daghanan pang uban.
Alayon niini gipahimangnuan ni Villaroya ang publiko nga magmabinanatayon tungod sa pagtaas sa temperature sa siyudad.
Naka-angkla karong tuiga ang fire prevention month sa tema nga “Ligtas na Pilipinas ang ating hangad, Pag-iingat sa sunog sa sarili ipatupad,” nga pangunahan sa Bureau of Fire and Protection (BFP) sa siyudad sa Malaybalay.
