Davao City – Wala sumala pay natala nga insidente sa sunog karong tuiga tungod sa mga problema sa Christmas decorations sulod sa panimalay dinhi sa syudad.
Kini ang gibutyag ni SF02 Ramil Gillado sa pakighinabi sa DXDC RMN Davao.
Gibutyag ni Gillado nga adunay nahitabong fire incident apan dili sa balay kundili sa kadalanan niadtong Nobyembre karong tuiga partikular na sa Mc Arthur Highway, Matina tungod sa pag-ground sa usa ka Christmas light resulta sa pag-ulan.
Segun sa fire officer nga sa ilang record, katapusang nakatala og Christmas lights fire related incidents niadtong 2013 sa Toril apan wala nay natala pang insidente sa sunog tungod sa Christmas decors gikan tuig 2014 hangtud karong tuiga.
Bisan pa man, padayon ang pahimango sa BFP nga siguruhong sundon ang safety reminders sa paggamit sa Christmas lights diin aduna gihapoy nagagamit niini hangtud sa pagsugat sa Bag-ong Tuig.
RadyoMaN Kirby Manzon
