General Santos City— Hugtanong gipanghimakak sa rebeldeng Bangsamoro Islamic Freedom Fighters kon BIFF nga wala silay kalabutan sa natigayong pagpamomba sa isulan, sultan kudarat kung asa tulo ang naitalang patay.
Sumala kang Abu Misri Mama, tigpamaba sa rebeldeng grupo nga wala silay ginahimo ug mga pagpangatake kung asa mga sibilyan posibleng mahimong biktima.
Pamahayag niini nga sa karon wala silay aktibidad gumikan ilahang ginarespeto ang hinabing pangkalinaw sa gobyerno tali sa moro islamic liberation front kon milf.
Dugang pamahayag ni Abu Misri Mama nga adunay duha ka mga hinungdan sila nakit-an nganong adunay mga pagpangatake. Una, ron ngasila maoy madut-an ug mapasanginlan.
Ikaduha, dako ang iyahang pagtuo nga gobyerno ra gihapon ang nagpaluyo sa maong pagpamomba gumikan sa planong paglugway sa deklarasyon sa martial law sa mindanao.
Sumala niya nga kung walay matigayong kagubot, dili mahinayon ang mga plano sa gobyerno rason nga gihimo ang pagpamomba.
