‘Bike day’ plano ipatuman sa syudad sang Iloilo

SYUDAD sang Iloilo – Nagalaum ang syudad sang Iloilo nga makasaulog sang bike day sa pila ka adlaw.

Ini bangud sa nakita nga nagadako nga numero sang mga bikers nga nagatipon sa tagsa ka tuig sa syudad agud magpasakop sa tuigan nga Iloilo bike festival.

Sa iya mensahe sa pagbukas sang 6th bike festival, ginpahayag ni Mayor Jose Espinosa III nga luyag niya nga masustain ang padayun nga paggamit sang bike lanes sang syudad kag mapatuman ang road sharing.


Nahibaluan nga may 11-kilometer bike lane ang syudad kag prominente nga makita ini sa diversion road kag sa mga pili nga dalanon sa sentro sang syudad.

Suno kay Espinosa prioridad niya ang pagpromote sang biking bangud makapaayo ini sa lawas sang tawo bilang isa ka exercise.

Ginatan-aw man sang alkalde ang palaabuton nga bisan magkadto sa opisina nagabike na ang tawo kaangay sang nagakatabu sa iban nga pungsod pareho sa Amsterdam.



Samtang ginpahayag ni Sports Development Office OIC Moises Salomon Jr. nga indi magnubo sa 2,000 ka bikers ang magapasakop sa ikaanom nga edition sang bike festival.//via Joel Franco reports

Photo credits: Eric Barbosa / ATMOS.PH

Facebook Comments