Davao City – Narecover sa theft and robbery section sa Talomo PNP ang usa ka mountain bike nga kinawat ug gibaligya sa kawatan.
Sa blotter sa Talomo Police, nakadawat og inpormasyon ang kapulisan mahitungod sa bisikletang mikantidad og 100 ka gatos ka libo ka pesos ug gibaligya lamang sa singko mil ka pesos rason nga ila gilayon giadtoan ang area nga gibaligyaan.
Sa inbestigasyon, usa ka alyas Bam Bam, 18 anyos, ang nagdala sa maong mountain bike ug iyang gibaligya kang Richard Corpus, nagpuyo sa Doña Luisa, Matina Davao City niadtong Enero 14, 2018 didto sa Los Amigos Tugbok Davao City.
Ang mountain bike dunay color blue ug stripe nga yellow diin gikustodiya na sa kapulisan samtang giukay na karon ang ilang record sa mga kasong kawat sa ilang AOR aron masayran ang tinuod nga tag iya sa maong gikawat nga bisikleta ingon man ang pag establisar sa bansagon sa suspek.
RadyoMaN Erin Lumosbog
