TACLOBAN CITY – Nagtikang na an aplikasyon para han mga myembro han Social Security System o kun SSS para ha mga gusto mag-apply hin calamity loan han bagyong Urduja.
Sumala kan Bernardo Yepes, Communication officer han SSS Tacloban branch, nagtikang dida han Enero 23 an pag-apply han calamity loan ngan tubtob nala ha Abril 23, 2018. Pwede makag-apply an mga nag-uukoy ha Probinsya han Leyte, Samar, ngan syudad han Tacloban nga may contribution na ha SSS nga atleast 36 months.
Dugang pa han opisyal nga an calamity loan in total package kun diin lakip dinhi an calamity assistance program, advance 3 months pension, ngan an renovation han mga balay ha hamubo nga interest.
Ginpasabot naman ni Yepes nga kun nakag-apply na an myembro ha Loan Restructuring Program han SSS in diri na hiya pwede han mao nga calamity loan.
