Nagpabilin ang baruganan ni Mayor Oscar Moreno nga dili pagpabor sa Extra Judicial Killing ug death penalty.
Kini ang pahayag sa Mayor dihang mikabat sa tulo ka mga drug personalities ang napatay sa kapulisan sa Cagayan de Oro atol sa ilang pagpatuman sa buy bust operation.
Matud sa Mayor nga adunay gisunod nga rules of engagement ang kapulisan apan lauman nga mogamit kini sa superior force panahon nga musukol ang mga suspect o target sa ilang operasyon.
Dugang pa nga dili mamahimong solo nga mag-operate ang kapulisan kay kinahanglang masigurong walay pagpang-abuso nga mahitabo.
Apan sa higayon nga adunay mahitabong pagpang-abuso atol sa operasyon sa kapulisan, gipaniguro niini nga iya kini hatagan sa pagtagad.
Facebook Comments
