iFM Laoag – Naulpit iti nagsarauno a pannakaiyalokar dagiti dua a bangkay iti morgue iti Dingras, Ilocos Norte a biktima ti pammaltug ken pannakalmes idi malem ti Enero 5, 2020.
Nabigbig ti napaltupaltugan a ni Mr. Conrado Castillo Jr. y Alfaro, agtawen tallupulo ket tallo, maysa a tricycle driver ken residente ti Brgy. Suyo iti ili ti Dingras idin to nga ti nalmes ket ni Mr. Fernando Hernando y Dacer, agtawen uppat a pulo ket walo, naasawaan, maysa a helper ken residente iti Brgy. 8 iti siudad ti Laoag.
Nagsaruno dagitoy a naipan iti morgue kalpasan iti pannakaideklararda nga awanen ti bibiagda.
Segun ti imbestigasion ti PNP Dingras, dead on arrival ti biktima iti pammaltug iti Brgy. Guerero iti ili ti Dingras gapu iti siam a bala a naimula iti nagduduma a partes ti bagbagina. Maipagarop a dua a motorsiklo a mio ti inusar dagiti suspek a nangpaltupaltug iti biktima.
Agtultuloy met paylaeng ita a gundaway ti naiget a panagimbestigar dagiti kamkameng ti pulisia iti daytoy nga insidente.
Iti pay mainaig a damag, nabigbig ti nalmes a ni Mr. Fernando Hernando y Dacer, agtawen uppat a pulo ket walo, naasawaan, maysa a helper ken residente iti Brgy. 8 iti siudad ti Laoag.
Segun met ti panagimbestigar ti PNP Sarrat, nalmes ti biktima iti Gansatao Resort a paset ti Brgy. 21 San Marcos iti ili ti Sarrat. Naammoan nga ti biktima ken dagiti papagayamna ket napanda naggiinom ken nagdidigos iti resort idin ta naripar dagiti kakadwana nga awan metten ni Hernando, idin ta mabiit ket nakitadan nga agtatapaw daytoy. Insigidada met nga intaray daytoy iti Dingras District Hospital ngem naideklarar met a dead on arrival.
Gapu iti daytoy, naulpit a nagdanon dagiti dua a biktima nga awananen ti anges iti Morgue.
Kabayatanna, agtultuloy met paylaeng iti pannakaimbestigar nu siasinno dagiti suspek iti napasamak a pammaltug kenni Castillo idin to nga kinumpirmaran met ti PNP Sarrat nga awan ti foul play a napasamak a pannakalmes ni Hernando. (Joe Anne Agustin, RMN News)
