General Santos City— Aduna nay gina-sundan nga suspek ang kapulisan sakop sa Police Station 2 sa pagpamusil sa duha katao sa New Society, Brgy. Apopong alas 3 sa kadlawon nga miresulta sa kamatayon sa usa ka bitkima samtang usa ang nagpabiling kritikal.
Sumala kang Police Executive Master Sgt. Angel Marquez nga ang mga biktima naialng sila si Margarito Carton, 58 anyos nga taga Prk. 2 New Society ung asa kini ang gideklarang dead on arrival sa balay tambalanan.
Samtang ang laing biktima naialng si Badrudin Salisip, 25 anyos nga residente sa maong lugar. Migawas s ainisyal nga imbestigayson nga ayha ang krimen, adunay nakalalis ang biktimang si Salisip nga posibleng hinungdan sa maong pagpamusil.
Dugang pamahayag ni Marquez nga posibleng naangin lang sa pagpamusil ang biktimang si CARTOn ug ang target gyud mao si Salisip nga nakangkon usab ug ubay-ubay nga igo pinusilan.
Sa karon aduna na matud pa silay ginagunitan nga testigo sa maong krimen ug gilauman nga makaatag kini ug impormasyon nga makatabang sa pagsulbad sa krimen.
