Bahagyang tumaas ang bilang ng mga Pilipinong walang trabaho sa 3rd quarter ng 2019.
Sa resulta ng Social Weather Stations (SWS) survey, naitala sa 21.5 percent ang joblessness rate o katumbas ng sampung milyong filipino adult na walang trabaho.
Mas mataas ito ng 0.7% sa naitalang 20.7% o 9.8 milyong Pilipinong walang trabaho noong Hunyo.
Ang nasabing bilang ay binubuo ng nasa 4.4 milyong resigned employees; 1.6 milyong mga bagong graduate at first time job seekers; at 3.9 na milyong mga natanggal sa trabaho.
Samantala, lumabas din sa survey na mayorya o 53% ng mga Pilipino ang positibong darami pa ang mga trabahong maaaring pasukan sa susunod na 12 buwan.
Nasa 13% naman ang naniniwalang mababawasan ang mga trabaho at 21% ang nagsabing walang mag-babago.
Isinagawa ang survey mula setyembre 27 hanggang 30 sa pamamagitan ng face-to-face interview sa 1,800 mga adult respondents sa buong bansa.
