Natalana nga iga-review sang Central Negros Electric Cooperative (CENECO) ang power readings sang mga konsumedor nga nag-reklamo nga nagsaka ang ila electric bills durante ginapatuman ang community quarantine.
Sa ginpatigayon nga public hearing sa regular session sang konseho, ginpahayag ni Coun. Archie Baribar, chairman sang Committee on Energy and Utilities nga ginpaathg sang Ceneco nga ang billing sadtong bulan sang Marso ang gin-estimate gid lamang base sa billings sang December 2019, January kag February 2020.
Suno kay Baribar nga nag-kumiter ang kooperatiba nga ang billings para sa bulan sang Marso kag Abril ang iga-subject sa deferred payment ukon ipaiway anay.
Samtang, ginpahayag pa ni Baribar nga nag-announce man ang Ceneco nga mangin manubo na ang power rates para sini nga bulan sang Hunyo bangud nag-nubo na ang ila variable costs.
[image: image.png]
