By: Joanna Ricote
Gipasabot sa Bureau of Internal Revenue kon BIR nga makatabang sa mga kabus ang gipatuman nga TRAIN law sa kagamhanan.
Nasayran nga pina-agi sa RA 10963 o Tax Reform for Acceleration and Inclusion kon TRAIN law, dili na kuhaan sa tax ang mga mamumuo nga adunay sweldo nga 250 mil pesos paubos sulod sa usa ka tuig epektibo sa Enero 1, 2018 hangtod sa December 31, 2022.
Dugang pa nga gisibog na niini ang deadline sa 1st quarter income tax filling gikan sa Abril 15, gihimo na kining Mayo 15, samtang ang 2nd instalment payment ang gisibog usab gikan sa Hulyo 15, gihimo na kining October 15.
Luyo niini, ipatuman ang pagsaka sa bayronon sa documentary stamp tax, foreign currency deposit unit, capital gains alang sa non-traded stock, ug stock transaction tax.
Samtang, minusan niini ang bayran sa mga senior citizen ug person with disability, ingon man mga tambal alang sa mga adunay sakit sa diabetes, high cholesterol ug hypertension sugod sa Enero 1, 2019.
Lauman usab ang paspas nga pagsaka sa presyo sa produktong petrolyo, kung sa tuig 2018, adunay pagsaka nga 2.50 pesos ang matag litro sa diesel , mahimo na kining 4.5 pag abot sa tuig 2019, 6 pesos sa tuig 2020.
Samtang ang gas, kung sa tuig 2018 aduna kini pagsaka nga 7 pesos, mahimo kining 9 pesos sa tuig 2019 ug 10 pesos sa tuig 2020.
Musaka usab ang buwis sa mga mupalit og sakyanan, gawas niadtong mga purely electric nga mga sakyanan, pick up ug mga hybrid cars.
Samtang, adunay 6 pesos nga pagsaka sa presyo sa mga sweetened beverage particular niadtong mga purely caloric ug non-caloric sweetener, ug 12 pesos ang pagsaka alang niadtong mga ilimnon nga adunay taas nga level sa fructose corn syrup.
Dugang pa nga musaka usab ang excise tax sa sigarilyo, ug mga electric company.
Alayon niini, nagpahinumdom usab ang Department of Trade and Industry kon DTI, nga aron makasiguro nga nakasubay sa suggested retail price ang kantidad sa ilang paliton, mahimong mubisita sa ilang website nga wwww.dti.gov.ph
