Magabalik sa normal ang operasyon sang Regional District Office (RDO) 77 sang Bureau of Internal Revenue (BIR) sa ciudad sang Bacolod matapos ini ginsirado para sa disinfection sini nga semana kasunod sang pagtransaksyon sa lugar sang isa ka COVID-19 positive nga empleyado sang provincial government.
Sa interview sang DYHB kay Norma Bayoneta, Chief, Administrative & Human Resource Management Division sang BIR Regional Office 12, ginpahayag sini nga ginpaidalom na sa home quarantine ang tatlo ka security guards kag tatlo pa gid nila ka personnel nga nakaatubang kay Western Visayas Patient No. 685 nga utility worker sang Healing Center sa EB Magalona. Nagpadulong sa Client Support Section sang RDO 77 ang pasyente sang Hulyo 15 sang aga para mag-proseso sang transfer sang iya nga Tax Identification Number (TIN) kag pagkahapon nagkadto man ini sa RDO 76 sa ciudad naman sang Victorias.
Suno kay Bayoneta, magapaidalom sa 14-day quarantine ang mga personnel nga nakaatubang sa pasyente kag indi sila magbalik sa trabaho sa Lunes kun liwat na magbukas ang opisina sang BIR. Magluwas sa BIR personnel sa Bacolod, magapaidalom man sa home quarantine ang duha ka lady gaurds kag staff sang Client Service Section sa Victorias. Ginkumpirmar man ni Bayoneta nga madamo sang kilala sa ila opisina ang pasyente bangud nagabulig ini kun kaisa organize sang ila mga events.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
