Wala nanamian ni Vice Mayor El Cid Familiaran ang tono sang appeal sang medical society kay Presidente Rodrigo Duterte nga ipaidalom ang Bacolod sa enhanced community quarantine (ECQ) sa sulod sang duha ka semana.
Sa interview sang DYHB kay Familiaran nga chairman sang Bacolod Inter-Agency Task Force, ginpahayag sini nga kaangay nga nagaguwa nga wala sang hinimuan ang mga opisyales sang ciudad kasunod sang pagsulat sang Philippine Medical Association – Canlaon Medical Society kag Philippine Medical Association – Negros Occidental Medical Society sa presidente.
Suno kay Familiaran, antis ang sulat sang medical community, ila naistorya ang mga ini kag ginpalab-ot nga ginahimo na sang ciudad ang kaundan sang ila apelasyon.Dugang pa sang bise-alkalde, indi mahapos ang ginahingyo sang mga ini bangud kinahanglan nga balansehon ang ikaayaong lawas sang pumuluyo kag ekonomiya. Suno diri, kun liwat ipaidalom sa ECQ ang Bacolod, kag himuon nga 6:00 PM to 6:00 AM ang curfew, diin naman makuha ang ciudad sang isustiner sa mga relief goods para sa mga Bacolodnon.
Nahibaluan nga kalakip sa appeal sang medical community ang extensive contact tracing, unified protocols sa tanan nga healthcare facilities, pag-improve sang swabbing techniques kag protocols sa mga returning locally stranded individuals kag overseas Filipinos.
Ila man ginaduso ang istrikto nga pagpatuman sang rules kag standards sang LGU sa new normal, data pooling sang COVID-positive patients sa ciudad kag paggamit sang digital surveillance system pinaagi sa mga QR codes para mahibalu-an sa mga establisyemento kon sin-o dapat ang naka-quarantine.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
