Ginklaro ni Negros Occidental Vice Gov. Jeffrey Ferrer nga wala ini sang plano nga magpadalagan gobernador sang probinsya sa 2022 elections tubtub sa pagtakup sang termino ni Gov. Bong Lacson.
Suno kay Ferrer tindugan niya ang iya commitment kay Gov. Lacson nga suportahan niya ang administrasyon sini samtang siya pa ang gobernador sang Negros Occidental.
Nahibaluan nga sang May 2019 midterm elections natabo ang merger ukon unification sang local parties nga Love Negros kag UNEGA sa diin nag-tandem sanday Lacson kag Ferrer sa pagka-gobernador kag bise gobernador.
Ang pagklaro ni Ferrer nga indi magpadalagan gobernador iya ginhimo matapos may nagapati gihapon nga maga-enkwentruhanay ang duha sa masunod nga election.
[image: image.png]
Facebook Comments
