Wala akoy gidapigan, ug abli ako bisan unsa man nga lakang arun masulbag ang nagpadayun nga pagbakwit sa 1,600 ka Lumad diha sa Lianga, Surigao del Sur.
Kini ang nahimong pamahayag ni Bishop Raul Dael sa exclusive interview sa RMN DXBC human niya personal nga nakita ang kahimtang sa mga bakwit.
Sumala pa sa Obispo naluoy siya sa iyang mga katawhan nga anaa sa evacuation center nga kulang sa pagkaun, CR, higdaanan tubig ug lakip na suliran sa panglawas.
Namahayag si Bishop Raul Dael sa Tandag Diocese nga gawas sa mga bakwit nakigstorya na sab siya sa militar ug sa mga local nga opisyal labot na sa problema sa kahimtang sa mga lumad diha na sa Surigao del Sur ug iya nang nadungog ang matag panig.
Niya pa makab-ot lamang ang kalinaw kana kung adunay dialogue nga mahitabo sa matag panig.
Sumala pa kung mahitabo ang dialogue dapat ipresenta sab sa militar ang mga dokumento nga magpamatood sa alegasyon nga gibato niini sa TRIEPS ug ALCADEV.
Gawas sa militar dapat anaa ang Dep-Ed ug uban pang ahensya lakip na ang mga magtutudlo sa AlCADEV.
Sent from my Samsung Galaxy smartphone.
