BACOLOD CITY – Nagtaliwan na sa edad nga 77 anyos si anay Bacolod Bishop Camilo Gregorio may mga las 9:10 kagab-i bangud sang cardiac arrest.
Ini ang ginpalayag sa isa ka post sang Catholic Bishops Conference of the Philippines ukon CBCP.
Suno sa Prelature’s Vicar General sang Batanes nga si Fr. Deo Layug si Gregorio ang na confine sa Cardinal Santos Hospital sa San Juan City bangud sang pneumonia humalin pa sang May 9 kag nag-sufrer man sang mild stroke sadtong Huwebes samtang ginapaidalum sa dialysis.
Si Gregorio ang nangin Bishop sang Bacolod sadtong tuig 1989 kag retired Bishop sang Prelature of Batanes.
Ini siya amo ang ikaaapat nga Obispo sang Batanes kon diin nagserbisyo ini didto sa sulod sang halos 14 ka tuig tubtub sang iya pag-retire sang May 2017.
Gin-ordain bilang pari si Gregorio para sa Diocese of San Jose sa Nueva Ecija sadtong 1963 matapos nag-eskwela sang theology sa University of Sto. Tomas.
Ginhingadlan rector sang Maria Assumpta Seminary sa Cabanatuan humalin sang 1971 tubtub 1974 kag nangin assistant secretary sa Apostolic Nunciature sadtong 1984.
Nangin Auxiliary Bishop sang Cebu si Gregorio sadtong tuig 1987 kag matapos ang duha ka tuig, ini siya ang nangin Bishop sang Bacolod. / CBCP Photo
