TACLOBAN CITY – “Bisitahin Ang Sariling Atin” Ginlunsar na han an Waray Party-List ngan Department Of Tourism (DOT) ha kooperasyon han Tacloban City Government an Regional Tourism Campaign para ma-engganyo an local tourist nga bisitahon an mga tourist attractions ha Region 8.
Ginpamutangan hin Tourism Promotion Billboards an New Bus Terminal ngan ha van stations han Tacloban.
Makikita ha billboard an kahusay han Biri Rock Formation han Northern Samar, Sambawan Island han Biliran ngan Kalanggaman Island han Palompon, Leyte.
Sumala kan Former an Waray Party-List Rep. Florencio Bem Noel, an local tourist naman iton dapat maka-eksperyensya hin mga maghusay nga tourist attractions dinhi ha Sinirangan Bisayas.
“It aton naman intentions kasi to attract an aton local tourist. I think the department [DOT] is capable of handling an mga tourist outside of the Philippines pero kita waray pa ngayan mahingadto ha aton mga tourist attractions.”
Panuyo gihap hini nga tourism initiative an pagpakusog han partnership and cooperation han magkadurudilain nga Local Government Units (LGU).
Gin-aaghat gihapon hini nga campaign an mga impormasyon tikang ha mga nasabi nga tourist attractions.
Sumala naman han tagapagyakan han Tacloban City Government nga hi Malou Tabao, suportado nira iton kampanya nga makaka-upay ha Tacloban ngan ha bug-os nga Region 8.
“This is an Inter-Agency Activity and mabenefit naman an tourism han Tacloban City being the center of Region 8.”
Nagpapasalamat naman hi Former An Waray Party-List Rep. Bem Noel ha Tacloban City Government kay ha syudad mismo ginlunsar ini nga aktibidadis.
Masunod naman an probinsya han Southern Leyte ngan Northern Samar pagpromotar han iba pa nga iginpaparayaw han Region 8.
“Nagpapasalamat kami ha An Waray Party-List hini nga initiative, happy kami ngan dako ini nga bulig para han aton travelling public.” – Bing Lumbre, DOT Tourism Operations and Market Development Officer.
Gin-aaghat gihapon han An Waray Part-List an iba pa nga LGU nga magkamayada sugad hini nga aktibidadis para mapromotar an mga tourist attractions ha Sinirangan Bisayas.
Photo by: Marie Tonette Grace Marticio
