BACOLOD CITY – Dakop ang isa ka gwardya matapos nga ini ang ginreklamo sang pagpamahog.
Nakilala ang suspek kay Gerry Cabayao, 46 anyos sang Enoch Security Agency kag pumoloyo sang Roadside 1, Barangay Alijis.
Si Cabayao ang detailed security guard sang CSY Building nga nahamtang sa Barangay 5.
Las 12:07 kaina sang kaagahon sa 17th Street sang nagpanaya sang iya armas ang ginasiling hubog nga sekyu kay Benjamen Yee, 28 sang Purok Yanson, Barangay Mandalagan.
Gintespondehan ini sang mga katapo sang Station 2 sa pagpanguna ni PCInsp. Leo Estopa sa diin narecover sa iya ang iya 12 gauge shotgun, nga may duha ka bala.
Kaso nga grave threat ang ipasaka sa sekyu lakip man paglapas sa RA 10591 bangod wala sang mapakita nga lisensya sa iya ginahuptan nga shotgun.
