Nagapati ang Regional President sang Alliance of Concerned Teachers (ACT) nga blended learning nga modality sang pagtudlo ang nagakabagay karun sa Negros Occidental.
Sa interview sang DYHB kay Gualberto “Bing” Dajao, blended learning gid ang nagakadapat sa Negros Occidental bangud nga kun solo lang gid nga online learning, indi ini pa ini masarangan bangud sang problema sa internet connections bisan pa diri sa Bacolod.
Ginpalayag man ni Dajao nga antis pa man ang pagtuhaw sang COVID-19 nakita na nila ang blended learning nga ibulos sa traditional nga face-to-face instructions bangud diutay na nga estudyante ang nagatuon.
Santo sa depinisyon sang Department of Education (DepEd), ang blended learning amo ang modality nga naga-combine sang face to face kag online distance learning (ODL), face-to-face kag modular distance learning (MDL), face-to-face kag TV/Radio-based Instruction (RBI), kag face-to-face learning kag combination sang duha ukon masobra pa nga sahi sang distance learning.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
