Nakatakdang ipahigayon ang Blood Letting Activity sa Kiwanis International, Kiwanis Club of Oro Centennial 101 sa usa sa mga barangay ning syudad.
Kini ipahigayon karong Marso 28 ning tuiga, adlawng Dominggo.
Matud ni Ma’am Amie Tapdasan, ang Presidente sa Club nga sugdan ang maong kalihukan alas nuwebe sa buntag hangtud sa alas dose sa udto sa Barangay Lapasan covered court.
Dugang pa ni Tapdasan nga tuyo niini nga kalihukan nga masuportahan ang Department of Health kon D-O-H, ubos sa tema nga ‘’saving the life of every individual’’.
Alayon niini, nanawagan karon si Tapdasan sa katawhan nga mo-donate og dugo sa himoong Bloodletting Activity.
Dugang pa niini, nga kaabag sa club sa maong kalihukan ang Northern Mindanao Medical Center kon N-M-M-C, apil na ang motabang sa paghatag og donasyon alang sa snack sa magpakuha og dugo sa nasangpit nga adlaw.
Ang nasangpit ng kalihukan gipaluyohan usab sa dxCC-RMN Cagayan de Oro.
