Himoon ugmang adlawa sa Golden Friendship Lady Eagles Club ug dxCC-RMN Cagayan de Oro ang blood-letting activity.
Kini ipahigayon ugma sa buntag sa covered court sa Barangay 26 ning syudad.
Ang maong kalihukan alayon sa kasaulogan sa ika-walo ka tuig nga Chartered Anniversary sa Golden Friendship Lady Eagles Club nga gipangulohan ni Ate Delia Garces.
Sa dili pa himoon ang bloodletting activity, motambong una sa usa ka santos nga misa ug motorkada ang mga miyembro sa Club.
Lakip sa One Stop Shop Activity nga himoon sa Barangay 26, mao ang bloodletting activity, libreng medical mission, libreng haircut, feeding program, dental clinic ug eye care.
Tungod niini, naghangyo usab ang dxCC pinaagi ni RadyoMaN Zaldy Ocon ngadto sa tanang tigpaminaw nga suportahan ang himoong bloodletting activity pinaagi sa pagpakuha og dugo ugmang adlawa.
