Blunt Traumatic injuries sa ulo ang na-angkon sa usa ka piniriso sa Cogon Police station nga namatay sa Northern Mindanao Medical Center pasado alas kwatro sa hapon niadtong Mayo Tres.
Mao kini ang resulta sa otopsiya ni Dr. Christian Caballes nga Medico-legal sa Scene of the Crime Operation kon SOCO sa Region 10.
Gisusi ni Dr. Caballes ang patayng lawas sa biktimang si Christophe Paler Camporedondo, 29 anyos nga taga Sitio Lumboy, Indahag ning syudad.
Una pa niini gibutyag sa 29 anyos nga live-in partner nga si Neresa Candelansa nga gikulata ang iyang partner sa duha ka police sa Cogon Police Station niadtong Mayo 3.
Kini human ilang gidakop ang maong suspek sa Sityo Paglaom, Barangay Camaman-an ning syudad tungod sa kasong pagpanglugos sa usa ka otso anyos nga batang babaye.
