Klaro ug tataw matud pa ang nga midagan ang due process sa pagsilbi og preventive suspension order batok kang Davao del Norte Governor Edwin Jubahib.
Kini ang gibarugan ni Board Member Orly Amit sa usa ka press conference diin iyang gibutyag nga nakahibalo na daan ang Gobernador sa maong reklamo sukwahi sa iyang gipamahayag nga wala siya nasayod niini ug wala kini miagi sa saktong proseso.
Gani gipasabot niya nga niadtong July 2023, nadawat sa Office of the President ang iyang reklamo ug nagpagula dayon sila og order ngadto kang Jubahib aron kini patubagon apan nangayo matud pa ang Gobernador og lugway sa pag-file og verified answer tungod tun-an matud pa niya kini.
Sa katapusan, gibarugan ni Amit nga dili tinuod nga wala nakahibalo si Gov Jubahib niini tungod daghang ebidensya ang makapamatuod nga nasayod gyud kini sa maong kaso.
RadyoMaN Ivy Parido
Facebook Comments
