Gipusil patay sa wala mailang riding in tandem si Board Member Wenefredo Ruig Olofernes, 52 anyos, adunay ka live-in partner, residenti sa Km3 Purok Springville, Brgy. Luna, Surigao city ug kasamrtangang numero unong Bokal sa lalawigan sa Dinagat Island Province.
Nigawas sa imbistigasyon sa Surigao City Police Office nga bandang alas 8 ang takna sa buntag kagahapon, nagsakay sa iyang motorsiklo ang biktima kauban sa iyang live-in partner ug paghidangat niini sa national highway sa Km2, Brgy. Luna sa maong syudad kalit na lamang mi-overtake ang riding in tandem nga nagsunod kanila ug walay langay nga milothang sa biktima.
Igu sa nagkadaiyang parti sa lawas si Board Member Olofernes nga miresulta sa iyang kamatayon.
Sa karon padayon pa’ng giimbistigahan sa kwerpo sa kapulisan ang insidenti aron maila ang mga suspetsado ug masayran kung unsay motibo usab sa pagpusil patay sa biktima.
[image: dinagat.jpg]
