Plano ni South Cotabato Board Member Romulo Solivio nga magpatigayon sang committee hearing agud nga hibaluon ang angot sa wala pa natapos nga construction kag nagamit sang four storey building sang Libertad National High School sa banwa sang Surallah.
Matapos nga naghingyo ini sa mga kaupdanan sa SP nga imbestigaran ang nasambit nga isyu, apang advice sang mga kaupdanan nga kinahanglan may-yara sang reklamo nga isang-at sa ila.
Ini matapos nga mag-isa na suno ka tuig wala pa nagamit ang school building amo nga ginapatuman ang two-shifting nga apektado suno pa ang pagtuon sang mga estudyante.
May-angot sini, plano niya nga ipatawag ang pamunuan sang Department of Public Workers and Highways, Department of Education dire sa probinsya kag iban pa nga concern nga ahensya sang gobyerno.
Nahibaluan nga nagpatigayon sang rally sa banwa ang grupo ni Board Member Solivio upod ang pipila ka mga ginikanan sang mga estudyante sang nasambit nga eskwelahan agud nga hingyuon sa mga concern nga ahensya sang gobyerno nga ipagamit na ang 2 unit sang four storey building sang Libertad National High School.
Ang nasambit nga tikang ang magluwas pa sa ipatigayon nga legislative inquiry kadungan sang ila nga regular session sa masunod nga semana angot sa pagnubo sang buying price sang palay dire sa probinsya.
