BACOLOD CITY – Ginabulubanta nagdangat sa 150 mil pesos ang kahalitan sang sunog nga natabo kaina pasado las dose sang udto sa Leroville Subdivision, Purok Magayon, Brgy. Singcang Airport diri sa ciudad sang Bacolod nga nagtupok sang duha ka mga puluy-an.
Suno sa Bacolod Bureau of Fire Protection ang sunog naghalin sa gina-arkilahan nga kwarto sang nakilala lamang kay Joemarie kag posible ini ang tuga sang faulty electrical wiring.
Nahibaluan nga si Joemarie ang isa sa tatlo ka mga naga arkila sa balay nga ginapanag-iyahan ni Fred Japitana.
Angut sini, ginpahayag ni Fire Investigator SFO1 Robert Robillo nga nabaton nila ang tawag mg alas 12:40 sang udto kag bangod sang ila madasig nga pagresponder, ang kalayo napalong matapos ang kapion 13 ka minutos.
