Gilamoy sa kalayo ang usa ka boarding house ug junkshop, sa Santa Ana, Tagoloan Misamis Oriental kagahapong adlawa.
Matud sa tag-iya sa junkshop nga si Roger Alburo, nga nagsugod ang kalayo sa boarding house, apan kung ang mga boarders sa boarding house ang pangutan-on, nagsugod ang kalayo sa junkshop ni Alburo.
Matud ni FO3 Genevin Echeveria sa Tagoloan Fire Station, nga basi sa ilang gihimo nga imbestigasyun, nakita sa caretaker sa junkshop nga nagsugod ang kalayo sa alkuba nga bahin sa boarding house, ug mitabok kini sa bodega sa junkshop.
Nasayran nga nadawat sa Bureau of Fire Protection ang tawag alas 11:30 sa buntag, na undercontrol alas 12:40, ug na fire out alas 2;15 kagahapon sa hapon.
Samtang mokabat ngadto sa 150 thousand pesos ang estimated nga damyos sa maong sunog, ug padayon pa nga giimbestigahan ang hinungdan niini.
