Dead on Arrival (DOA) sa Hinigaran Municipal Emergency Clinic matapos luthangon ang isa ka lalaki nga body guard sang Mayor mga las 5:45 sini nga hapon samtang sakay sa motor ang biktima sa Brgy. Pilar banwa sang Hinigaran.
Suno kay Police Major James Latayon, hepe sang Hinigaran Municipal Police Station sa interview sang DYHB, may nabaton nga tawag ang kapulisan nga may natabo nga traffic accident apang sang ginrespondihan sang pulis ini ang isa ka shooting incident.
Suno kay Latayon, ginkilala ang biktima kay Mariano Salazar, 60 anyos sang Barangay 1 sang nasambit nga lugar kag isa ka bodyguard ni Hinigaran Mayor Nadie Arceo.
Madumduman nga sang tinalikdan nga tuig, nagpa record man ang biktima sa Binalbagan PNP matapos nga suno sa ila nga aligasyon nga ini sila ang gin-ambush upod sa isa ka media personality samtang sakay ini sila sa traysikol apang wala man sang may nasamaran sa ila nga duha.
Padayon pa ang imbestigasyon sang Hinigaran PNP kun sin-o ang suspek kag motibo sa pagpatay.
[image: image.png]
