TACLOBAN CITY – Gin-iimbistigaran na yana han mga otoridad an nagsarang nga bomb threat ha usa nga unibersidad ha Leyte.
Ginpadara daw an nasabi nga bomb threat han usa nga myembro han New People’s Army (NPA) ha mga estudyante han Visayas State University (VSU).
Tungod hini, kanselado an klase ha unibersidad tubtob Lunes, waray gihap trabaho yana nga adlaw an mga office staff.
Sumala kan Baybay City Police Chief P/LtCol. Ricky Reli, ginsusuyod na nira an bug-os nga campus ngan mas pinahugot nga seguridad.
Dugang nga pamahayag ni Reli, waray pa kasiguraduhan kun NPA an nagpapaluyo hini nga bomb threat.
Facebook Comments
