BACOLOD CITY – Ginpatigayon sini nga aga ang isa ka simulation exercise para sa bombing kag bomb threat sa duha ka mga lugar diri sa Bacolod City bilang pagpanghanda sang publiko kag sang mga kapulisan.
Kaupod sang Philippine National Police ang CDRRMO sa pagpatigayon sang bomb threat kag bomb incident scenario.
Suno kay CDDRMO Cluster Head Joemarie Vargas, ila iga-simulate ukon paga-sundon ang bombing scenario sa diin may yara sang mga pilason para mahibalu-an kon ano kahanda ang rescue ukon emergency response unit sang syudad.
Paathag ni Vargas nga dungan ang drill ukon simulation sang bombing sa city kag bomb threat naman sa Bacolod Government Center agud man mahibalu-an kon masarangan sang rescue teams ang pag-responde sang duwa ka insidente.
Ang ini nga bombing kag bomb threat simulation ang iga-evaluate naman sang regional office sang Office of the Civil Defense kag Philippine National Police – Negros Island Region.
