Sergio Osmeña, ZN – Mokabat sa 10 ang mga samaron, 1 ang patay human ang bonggo truck aksidenteng nahulogg, kilid sa National Highway sa may Brgy. Pob. Bajo, Sergio Osmeña, badang alas 5:00 niadtong sabado sa hapon.
Sumala kang PO2 Elbert Taata ang imbistigador sa Sergio Osmeña PNP, ang bongo truck kolor puti dunay plaka numero JCU 866 nga gimanehoan/ ni Abelardo Corita Duran, 43 anyos nga taga Brgy. Dumagoc Pagadian City,
Dunay sakay sa gibana banang 20 ka mga tawo, gikan nagselebrar sa birthday party og nangaligo sa Butanas Swimming Pool diin paigon na unta pauli sa dakbayan sa Pagadian, dihang nahitabo ang aksidente.
Atol sa hitabo dead on arrival sa Sergio Osmeña Municipal Hospital ang sakay nga si Cesar Uno 60 anyos, usa ka mangkoy.
Samtang samaron ang kauban nga sila Romel Comoc, 10 anyos, Jonathan Oliva, 14 anyos, Ian Vidad, 21 anyos, Marjorie Malalis, 20 anyos, Maria Cris Malalis, 25 anyos nga polos taga Brgy. Dumagoc Pagadian City,
Laing samaron nga polos sab taga Brgy. Dalaon sakop sa lungsod sa Molave Zamboanga del Sur mao sila Apple May Hayo, 17 anyos, Mike Hayo 19 anyos, Carlnorh Jean, 10 anyos, Rey Andapit, 19 anyos, Estelah Jean Hinuguin, 10 anyos.
Sa interview sa rmn dxdr ngadto sa drayber nga si Duran, gibutyag niini nga nashort siya sa kurbadahong bahin sa dapit hinongdan nibanga kini sa road barrier, lahos sa ubos nga maayong pagkabalintong sa sakyanan.
Sa karon anaa pa naka-detain sa Sergio Osmeña Municipal Police Station, ang maong drayber pending pa ang kaso nga iya unyang atubangon.
