Gin-anunsyar ni Governor Eugenio Jose Lacson nga yara sa P65,000 ang Christmas bonus sang mga empleyado sang Provincial Government.
Ini kadungan sang lights-on ceremony sang Christmas decorations sa Provincial Capitol Park and Lagoon kag birthday ni Lacson sini nga Disyembre 13.
Ang announcement ni Governor Lacson ang ginsugata sang paghinugyaw sang mga Capitol employees.
Ang appropriation ordinance para sa Christmas bonus sang mga empleyado ang igapasa sang gobernador sa Sangguniang Panlalawigan, nga magahiwat sang session sini nga Martes.
Una na nga ginpahayag ni Provincial Administrator Atty. Rayfrando Diaz II nga ang batunon nga bonus sang mga Capitol employees subong nga tuig ang mas mataas ikumparar sa 40,000 pesos sang nagligad nga tuig.
Ang PACE ukon Progressive Alliance of Capitol Employees ang una naman nga nag-propose nga mangin source sang bonuses sang mga empleyado amo ang Collective Negotiation Agreement Incentives (CNAI), Productivity Enhancement Incentives (PEI), Incentives Benefits for Exemplary Service (IBES), kag Service Recognition Incentives (SRI).
