Davao City – Cleared sa gihimong screening sa Bureau of Quarantine XI ang 79 ka mga pasahero luwan sa Xiamen Air nga niabot sa Davao International Airport gikan sa Jinjiang, China niadtong Miyerkules.
Matud ni BOQ XI Quarantine Medical Officer IV Dr. Wilson Lim dili kinahanglang ipailawom ang maong mga pasahero sa quarantine.
Apan gibutyag ni Lim aduna silay gihatag nga health alert notice kanila ug gihubad usab kini sa linggwaheng Chinese inkaso’g aduna silay bation mamahimo nilang i-contact gilayon ang BOQ.
Subay niini, sa opisyal statement nga gipagula sa Chinese Consulate General in Davao gitin-aw nga lima sa pasahero sa Xiamen Air nga niabot sa Davao Pinoy ug sagad mga Filipino-Chinese ug Chinese nga adunay permanent residency sa Pilipinas ug nanguli kini gikan nagselebrar og Spring Festival kun Chinese New Year.
Dugang pagpaklaro nga wala sa 79 ka mga pasahero naggikan sa Hubei Province diin naggikan ang nCoV ug wala puy niadto og Hubei 15 ka diyas una pa man sila nibyahe. Ug kini maoy gihimo nilang precautionary measures.
Kagabie gianunsyo nga gikansela usa ang Jianjiang-Davao-Jianjiang direct flights subay sa nahimong nadesisyon sa Chinese consulate General in Davao atol sa friendly consultation nila sa City Government of Davao ug Xiamen Air hangtod sa dili pa maimprobar ang epidemic situation.
RadyoMaN Aimee Guinita
