SAYOHON sa Korte Suprema ang botohan sa quo warranto petition batok kang Chief Justice on-leave Maria Lourdes Sereno.
Sa ulahing Summer session sa Korte Suprema, nahukman sa mga mahistrado nga imbes himoon sa Mayo 17 butohan na lamang nila ang kaso sa Mayo onse ning tuiga.
Sa Mayo onse usab gitakda nga isumite sa mga mahistrado ang ilang mga separate opinion.
Himoon ang special en banc session pipila ka adlaw sa dili pa ang pagbalik sa sesyon sa Kongreso sa Mayo kinse.
Tumong sa giduso nga quo warranto petition ni Calida nga mapawalay bili ang pagkatudlo kang Sereno isip chief justice tungod sa isyu sa integridad dihang napakyas siya nga makasumiter sa iyang Statement of Assets, Liabilities and Networth (SALN) sulod sa pipila ka tuig niadtong siya nagtudlo pa sa University of the Philippines (UP).
Nasayran nga matag bulan sa Mayo naka-recess ang en banc session sa korte suprema aron tutukan ang pagsulat sa mga desisyon.
-o0o-
By: RadyoMaN Edgar Navarro
