General Santos City—Hugot nga gipanghimakak karon ni Boy Olarte ang kalambigitan niini sa gika ingon nga 8.7 billion pesos nga road right of way scam sa DPWH nga gibulgar ni Secretary Vitaliano Aguirre dinhi sa syudad sa Gensan nga nag-ugat matud pa sa mga peke nga titulo.
Sumala pa niini nga walay kamatuoran ang pasangil ngadto kaniya sa usa ka anchorman sa radyo nga isa kini sa mga nakapahimulos niini tungod kay ang ilahang pamilya ang aduna usay claim pinaagi matud pa sa iyahang ig-agaw nga si Chino Mamburam nga maong nag claim sa kwarta ug ang kamatuoran niini biktima usab ang ilahang pamilya.
Giangkun niini nga ang ig-agaw niini ang naglambigit niini apan dugay na matud pa sila nga walay koneksyon sa nasangpit tungod kay bisan isa ka sintimo ang wala kini midawat ug kwarta gikan sa maong claim.
Dugang pa niini nga tuig 2014 pa ilaha na kining gisumbong kang senator Coco Pementel nga maoy chairman usab sa senado sa blue ribbon committee ug mihangyu ug usa ka executive session aron hisgutan ang ang eskandalo tungod kay daghan ang mga pangalan nga madamay niini apan wala sila nahatagan ug higayon tungod sa laing dagkong issue nga ginatuki sa senado.(Dave Silagan)
