Nadugangan sang duha ang kaso sang COVID-19 sa Negros Occidental.
Suno kay Negros Occidental Governor Bong Lacson, sanday Patient 3 kag 4 ang na-repatriate nga overseas workers ang nag-abot sa probinsya sadtong April 14 pinaagi sa isa ka sweeper flight.
Asymptomatic ang duha kag karon na-isolate na sa isa ka quarantine facility sa banwa sang EB Magalona.
Si Patient No. 3, 38 anyos nga lalaki nga taga-Silay City ang nagikan sa Netherlands.
Si Patient No. 4 naman, 50 anyos nga lalaki ang halin sa Finland.
Pag-abot sang duha diri sa probinsya, nagderetso ang mga ini sa quarantine facility kag wala nagpauli sa ila pamilya.
Nag-abot ang resulta sang duha ka pasyente kaina lang sang hapon.
Facebook Comments
