General Santos City–Gibutyag ni PNP-12 Regional Director General Alfred Corpus nga padayon pa ang gihimong imbestigasyon kalabutan sa pag-ambush patay kang Police Major Victorino Pansoy.
kahibaloan nga gi-ambush patay ang nasampit nga opisyal sa PNP niadtong milabay nga semana samtang sakay kini sa iyahang Toyota Pick Up kauban ang kapuyo niini ug anak sa Isulan Sultan Kudarat sa Riding In Tandem Criminals.
saysay pa ni Corpus nga giplanohan gayud sa mga kriminal ang pagpatay kang Pansoy gumikan kay sa daghan nga mga checkpoint ug wala nay mga tawo sa karsada duna pa gihapoy krimen nga nakalusot sa lugar.
Gipaklaro usab ni General Corpus nga wala pay matumbok nga mga suspek ang PNP Region 12 ingon man ang Isulan PNP sa pag-ambush patay kang Police Major Victorino Pansoy.
si Police Major Pansoy ang Kasamtangang Provincial Internal Affairs Service sa Davao Del Sur og kanhing Internal Affairs Service Officer sa PRO-12.
Dugang asoy ni PRO-12 Regional Director Alfred Corpus nga iyaha nang gitahasan ang kapulisan nga palawman pa ang imbestigasyon aron masuta ang motibo ingon man ang nagpaluyo sa naasoyāng pag-ambush patay sa maong opisyal. (Reynald Timario)
