Breastfeeding ginapasanyog sang Provincial Health Office, tungod sa padayon nga pagsaka sang kaso sang tipdas sa South Cotabato.

Tungod sa pagsaka sang kaso sang balatian nga tipdas sa probinsya, ginapasanyog gid sang Integrated Provincial Health Office (IPHO) South Cotabato ang importansya sang breastfeeding sa mga lapsag ilabi na nga indi pa pwede mabakunahan ang mga lapsag may edad 6 ka bulan panubo.
Suno kay Assistant Provincial Health Officer Dra.Alah Baby Vingno nga importante ang pagpasuso sang iloy agud maangkon sang ila lapsag ang mga importante nga nutrients nga yara sa ila gatas.
Ang colostrum ukon una nga gatas sang iloy ang may-yara sang mga antibodies nga makaprotekta sa mga bag-o bun-ag nga lapsag batok sa anuman nga balatian.
Apang paklaro sini nga agud mapasanyog ang proteksyon sang mga lapsag, mismo ang mga iloy ang kinahanglan man protektado kag may nagakaigo nga antibodies.