BACOLOD CITY – Apisar nga nagbukas na ang bag-o nga passenger terminal sang Bacolod Real Estate Development Corporation (Bredco), ini ang para pa lang sa mga Bacolod-Manila nga biyahe sang barko.
Suno sa Bredco nga ang Simplicio Palanca Seaport Terminal ang maga-cater sang mga Bacolod-Iloilo nga mga pasahero sa bulan sang Oktubre, antis naman ang Masskara Festival.
Suno sa Port manager Romelo Casela nga ang bag-o nga management ang naga-improve sa ila mga facilities lakip na diri ang pagpatukod sang dugang nga warehouses kag perimeter fences.
Samtang, lauman nga maga-taas ang terminal fee bangud sa bag-o nga passenger terminal.
Samtang, ginpahayag naman ni Bredco President John Palanca Alonte nga gintap nila sa tag-iya sang PureGold nga si Lucio kag Susan Co bilang strategic partner.
Si Co ang ika-11 nga nalista sa Forbes pinakamanggaron nga negosyante sa Pilipinas nga may net worth nga $1.5B.
Minority shareholder lang si Co sa diin ara gihapon sa Bredco si Atty. Simplicio Palanca, Willy Au kag sya.
Tutok sang bataon nga Presidente sang Bredco ang worldclass nga pwerto. /Warren Go photo
