Davao City – Nanawagan karon sa publiko si Brgy.23-C Kapitan Alimodin “Wating” Usman sa mga nanag-iyag grocery stores ug mga bangko sa siyudad sa Davao nga pasudlon ang taga Brgy. 23-C panahon nga duna silay paliton o transactions sa bangko.
Sumala ni Kapitan Usman, adunay pipila ka mga ginsakpan sa iyang Barangay nga mireklamo kaniya tungod dili sila pasudlon sa mga bangko ug grocery stores sa higayong masayran nga gikan sa iyang Barangay, butang nga gikadismaya niini.
Gipaklaro ni Kapitan Usman nga dili tanan purok sa iyang Barangay ang gi-lockdown kundi ang Purok 4 lamang.
“Hinaut unta nga sabton ninyo ang nagpuyo dinhi sa Brgy.23-C kay wala mani gituyo sa mga tao diri. Ikaduha naa tay gitawag nga portion lang diha ra gyod ang among gi-lockdown unya pasudla ninyo ang nanginahanglan ug ilabina gyod kadtong mag withdraw ug kwarta nila sa banko diha man mo nag negosyo, diha man mo nag open dapat pasudlon ninyo”, saysay ni Kapitan Wating.
RadyoMan Don Pulayao
