Davao City – Gipakuha og barangay certification sa kompanya nga ilang gitrabahoan ang mga trabahante sa Brgy. 31-D aron sila makabalik sa ilang trabaho human gipatuman ang General Community Quarantine (GCQ).
Sa esklusibong interbiyo sa DXDC RMN Davao, gibutyag ni Brgy. Kapitan Joel Landero nga dol-an 300 ka mga empleyado ang natagaan og barangay certification gikan sa iyang Barangay.
Una niini, giingon ni Landero nga dunay pipila ka mga empleyado nga nagpuyo sa iyang barangay ang wala makatrabaho kay walay sertipikasyon sa gikan sa barangay human gipangayo-an sa ilang kompaniya.
“Nagpabalik naman og trabaho ang atong gobyerno unya kasagaran nagpuyo sa atong barangay puro mani trabahante dili sila pasudlon sa ilang gitrabahuan kun wala silay barangay certification nga sila luwas sa maong sakit ug nagpamatuod nga kita diri nanimuyo sa barangay nga layo ra sa maong sakit,” saysay ni Landero.
RadyoMaN Don Pulayao
