Brgy. 37-D i-monitor ang basura pinaagi sa CCTV

47

Davao City – Pag montar og close-circuit television (CCTV) camera: Kini ang usa sa nakitang solusyon ni Brgy. 37-D Captain Prime Atillo labot sa isyu sa basura diha sa iyang barangay.

Sa pakighinabi sa DXDC RMN Davao sa kapitana, gisaysay niini nga lisod nga mamonitor ang mga nagalabay og basura sa ilang area rason nga giduso niining magbutang og CCTV camera sa lugar diin aduna usab silay budget alang niini.


“Naa man gud mi budget para sa CCTV. Among gi-una ang barangay road. Karon naa mi additional budget, ma impelement namo na, among unahon ang diha sa park para mahibal-an namo kinsa nang nagalabay gyud,” segun niini.

Gibutyag ni kapitan Atillo nga sagad sa mga basurang malabay sa kanal diha sa ilang barangay mao ang mga stick sa barbecue, mga dahon, cellophanes ug uban pa. Gibutyag niini nga kini ginalabay sa mga mangagi nga magsakay og trisikad ug posibleng gikan usab kini sa kasikbit nga mga barangay.

“Kanang kanal man gud diha nisumpay sa taas. Mura’g kumbaga kami ang catch basin. Mao nang bisan pag kuhaan namo karon, 3 days to 5 days naa na poy cellophane nga manggawas,” saysay niini.

Gawas sa CCTV cameras, gimanduan na usab niini ang ilang environment committee nga liboton na matag semana ang mga kanal diha sa barangay aron ma monitor ang basura.

RadyoMaN Kirby Manzon

Facebook Comments

From Advertisers