Davao City – Naghimo na og imbestigasyon ang Monkayo Municipal Police Station ( Monkayo MPS) ug ang Comval Province Police Provincial Office (CVPPO) sa pagpusil-patay sa usa ka kapitan sa purok 9, Golden Plains Subdivision, Barangay Poblacion, Monkayo niadtong adlawng Sabado, Abril 21 alas 5:55 sa hapon.
Sa report gikan sa Police Regional Office kun PRO XI, giila ang kapitan nga si Barangay Kapitan Danilo Nortega Daanton.
Matud pa nga tuig 2016 nakadawat na og bahad sa iyang kinabuhi ang maong biktima diin nasayran nga ang maong kapitan nagadawat og mga NPA surrenderees.
Base sa imbestigasyon nga samtang pasakay na unta sa motorsiklo ang kapitan ug nakig-storya sa kauban niini sa basketball niadtong tungura, kalit gipaulanan og bala ang biktima igo sa nagkadaiyang parte sa lawas.
Daling gidala sa Comval Provincial Hospital ang biktima apan gideklara na kining dead on arrival.
Sa karon, gimugna na sa kapulisan sa Comval ang Special Investigation Task Group sa pagpatay kang Kapitan Daanton.
RadyoMaN Renz Barbarona
