Davao City – Gikawatan ang usa ka sidewalk vendor ug hapit kini nadunggaban sa may Bankerohan ning syudad alas-6:30 sa kagabhion.
Base sa rekord sa San Pedro PNP, ang biktima mao si Jalil Mangorsi, 22 anyos lumlumpyo sa maong lugar samtang ang suspek mao si Elgie Tahil, 19 anyos nga taga Sinoron Sta. Cruz Davao del Sur.
Matud pa sa samtang ang biktima namaligya sa iyang stall kalit niabot ang suspek dayon panguha sa mga butang sa biktima sama na lamang sa usa ka unit sa cellphone nga mukantidad og 3,000.00 pesos.
Sa dihang nahitabo ang insidente gigukod pa sa biktima ang suspek ug daling nagpatabang ngadto kang Police Officer 1 Calamba hinungdan sa pagkasikop sa kawatan.
Dugang ni Mangorsi gisuwayan usab kini og dunggab ni Tahil og barbecue stick apan nakalikay kini.
Si Tahil balhug na sa selda sa San Pedro samtang ginahulat pa kung mopasaka og kasong robbery ang biktima batok sa suspek.
RadyoMaN Don Pulayao
