Sultan Kudarat—Dead on arrival ng gipang dala sa balay tambalanan ang kanhing Barangay kapitan sa Brgy. Nuling, Lebak Sultan Kudarat human kining gidunggab og gipusil sa makadaghang higayon sa may Sitio Bacbacan, Brgy. Nuling, Lebak Sultan Kudarat.
Sa report nga nahagpat sa RMN nga igo lamang mitambong sa kasal ang kanhing brgy. Chairman nga giilang si Joel Barabag sa dihang kalit lamang nga giataki sa suspek nga hangtod karon wala gihapon ilhi kung asa nakahiagum og samad dinunggaban og pinusilan ang kanhing Kapitan sa nagkalain laing parte sa iyahang kalawasan.
Samtang human ang pipila ka oras patay usab ang kasamtangang Brgy. Chairman nga giilang si Renato Ortiz sa Brgy. Luna, Carmen, North Cotabato ingon man ang kauban niining giila usab nga si Reynaldo Nobleza human sila gibanhigan sa mga riding in tandem criminals samtang sakay usab sila sa ilahang motorsiklo pauli sa ilahang panimalay sa may Sitio Tapulan Carmen North Cotabato.
Sa imbestigasyon sa Carmen PNP, milutaw nga nakahiagum og walo ka samad pinusilan si Ortiz og siyam ka igo sa mga bala si Nobleza.
Duda ang mga kapulisan nga posibling pagpanulis ang motibo sa pagpatay sa Barangay Kapitan og kauban niini tungod nawala ang dalang kwarta sa mga biktima nga mukabat sa P100,000.
Sa pagkakaron nagpabiling blangko pa ang kapulisan sa pag-ila sa mga suspetsadong riding in tandem criminals. (Emir Bariquit)
