Detinado karon si Brgy. Gango, Libona chairman Eliazar Ebona, human kini masikop kagahapon sa buntag sa iyang pinuy-anan sa mga ginsakpan sa Martial Law-Special Action Group nga gilangkoban na sa kasundalohan sa 4th ID ug kapolisan sa Police Regional Office 10.
Kini atol sa ilang pagsilbi sa search warrant gumikan sa kasong illegal possession of firearms, nga mao matud pay gigamit ni Ebona sa pagpanghulga sa iyang mga constituents nga dili manginlabot sa iyang matud pa illegal mining activities sa maong dapit.
Atol sa operasyon, nakompiska sa mga otoridad ang usa ka M16 rifle nga adunay mga buhing bala; usa ka AK47 rifle nga adunay mga buhing bala; tulo ka m22 rifle nga adunay mga buhing bala; usa ka kalibre .45 nga pistol nga adunay buhing mga bala; usa ka 9mm pistol nga adunay mga buhing bala; usa ka kevlar; usa ka vest ug gibana-banang lima ka kilong amonium nitrate.
Sa karon gikustodiya na si Ebona sa Criminal Investigation and Detection Group 10, gumikan sa pagsupak sa Republic Act 10591 ug Search Warrant 181-2017 alang sa pagsupak sa Republic Act 9516.
By: Radyoman Ellah Baculio
