General Santos City—- Dakpan sa gipahigayong search warrant operation sa PDEA 12 ang kasamtangang brgy. kagawad sa Brgy. Tinagacan ug bana niini gumikan sa illegal nga droga.
Giila ni Jonie Lasyo, tigpamaba sa PDEA 12 qang mga dinakpan nga silang Brgy. Kagawad BaiTanto Duyang, 37 anyos ug bana niining si Serin Duyang, 36 anyos.
Basi sa ilhang impormasyon, drug surrenderee ang mga nahoisgutan samtang si Serin ang nagapa-ilalom sa Community Based Drug Rehab Program apan padayon gihapon sa illegal niining aktibidad.
Dugang pamahayag ni Layso nga nakuha gikan sa ilahang panimalay ang gibana-banaang 21 ka gramo sa gituuhang shabu nga adunay street value nga 150mil ka pesos.
Pagpaklaro niya nga samang target listed ang mga nahisgutan kung asa anaa sa watchlist si Serin samtang ginakonsiderang high value target si baitanto gumikan sa posisyon nga iyahang gihuptan.
Sa karon, anaa na sa kustudiya sa lock up cell sa PDEA 12 ang mga dinakpan ug nakatakda ng pasakaan ug kasong pagsupak sa Sec. 11 sa Article 2 sa R.A 9165.
