General Santos City— Dead on arrival sa balay tambalanan si Brgy. Upper Sepaka Kapitan Fudi Ambalgan human kining gipusil sa wala pa mailhing suspek.
Sumala kang Police Chief Inspector Hardomont Sibal, hepe sa Surallah PNP nga alas 8 pasado ang takna kagahapon sa buntag dihang gipusil ang kapitan sa roundball nga bahin sa Brgy. Libertad, Surallah.
Naka-angkon matud pa ug duha ka igo pinusilan sa likod nga bahin ang biktima nga hinungdan sa iyahang kamatayon. Dugang pamahayag ni PCI Sibal nga kalibre 45 nga armas ang gigamit sa mga uspek sa pagpamusil.
Sa karon padayon ang ilahang ginahimo nga imbestigasyon sa posibleng motibo sa maong krimen ug nakig-alayon na sila sa kabanay aron masayran kung aduna bay mga bahad nga nadawat ang nasangpit nga kapitan ayha kini gipusil-patay.
Nangita na usab sila ug posibleng testigo sa maong krimen nga posibleng makatabang sa pagsulbad sa maong pagpamusil-patay sa kapitan.
